Media Coverage – Nepal Association for Global Cooperation

September 26, 2021

‘नेपाल विश्व सहयोग संघ’ एक आशाको किरण

रामजी बगाले / विश्वव्यापी नेपाली एकता र हितको निम्ती प्रवासमा रहेका नेपालीको पहलमा स्थापना भएको एक अन्तरराष्ट्रिय संस्थाको नाम हो एनएजीसी अर्थात नेपाली एसोसीएसन फर ग्लोवल कोअपरेशन । यो नेपालको हित प्रवर्धनका खातिर गठित एक विश्वव्यापि संजाल हो । विश्वका ३० वटा देशहरुमा शाखाहरु विस्तार गरेको यो संस्थाले ७ वटा महासाखा पनि गठन गरेको छ जसले विश्वभरका देशहरुको सम्वोधन गर्दछ । एनएजीसी एक राष्ट्रियता को भावनाले ओतप्रोत गैर मुनाफामुलक सामाजिक संस्था हो जसको जुन लोकतान्त्रिक, शान्तिवादी, देशभक्त नेपालीहरुको साझा संगठनको रुपमा परिचित छ । राजनीति, धर्म, संस्त्रृmती जातजातीको बिभाजनले नेपाली एकतामा चुनौती थपीएको महसुस गर्दै त्यसलाइ निरुत्साहीत पार्ने र नेपाली कला, साहित्य, संस्कृती र पहिचानलाइ विश्वमा चिनाउदै एक सशक्त समाजसेवी संस्थाको पहिचान कायम राख्ने उदेश्यले सन् २००८ मा एनएजीसीको स्थापना भएको हो । विश्वभर छरिएर रहेका स्वाभिमानी नेपालीहरु एक होऔं भन्ने मुलमत्रका साथ क्यालिर्फोिनया यूएसए घोषणापत्र सहित अगाडी आएको नेपाल विश्व सहयोग संघ क्यालिर्फोिनया सेक्रेटरी अफ स्टेटमा दर्ता भई संयुक्त राज्य अमेरिकाको संघिय सरकारबाट समेत मान्यता प्राप्त गरेको छ ।

अमेरिकामा यो संस्थाले गरेको उत्कृष्ठ सामाजीक अभियानहरुको कदर गर्दै अमेरिकी राष्टपतिको कार्यालयले एनएजीसीका ग्लोबल प्रेसीडेन्ट मणि नेपाली पनेरुलाइ सन् २०१६ को प्रेसीडेन्ट भोलेन्टियर स्वर्ण पदकले विभूषित गरेको छ । अमेरिकी राष्टिपतिको कार्यलयले हरेक बर्ष सामाजीक सेवामा उत्कृष्ट काम गरेका संस्थाहरुलाइ यो पुरस्कार दिने गर्देछ । एनएजीसी यस्तो पुरस्कार पाउने नेपालीहरुको पहिलो संस्था हो । यसैबाट पनि यो सस्थाको गरिमा र योगदानको पुष्टि हुन्छ । ‘यस्तो प्रतिष्ठित पुरस्कार पाउनु हाम्रोलागी अहोभाग्य हो, हामीलाइ थप उर्जा मिलेको छ’ एनएजीसीका ग्लोबल अध्यक्ष मणि नेपाली पनेरु भन्छन् । एनएजीसी मार्फत गरेको सामाजीक कार्यका लागी पनेरुले नेपाल, अमेरिका लगायत विश्वका विभिन्न मुलुकहरुमा प्रतिश्ठित पुरस्कार तथा सम्मानहरु पाएका छन् ।

एनएजीसी नेपाली एकता र पहिचानमा विश्वास राख्दछ र विश्वभरका नेपालीको एकता मार्फत नै समृद्ध नेपाल निमार्ण सम्भब छ भन्ने मान्यता अनुसार यसले काम गरिरहेको छ । ‘हजारौँ बर्षको गौरवमय ईतिहास बोकेको सुन्दर शान्त नेपालका हामी वासिन्दाहरु समयको अन्तरालमा मलिन भएका छौं । देवकोटाको काव्य, अरनिकोको कला र जनक, बुद्धको ज्ञानले विश्वमा आफ्नो महत्वपूर्ण स्थान राख्ने हामी आज विश्वकै कमजोर राष्ट्रको अभिसाप भोग्न वाध्य छौं । तसर्थ अव हाम्रो पुर्नजागरण हुन जरुरी छ । अपसि मतभेदलाइ थाति राखेर एकता र सहकार्यको ढोका खोल्न पर्छ’ अध्यक्ष पनेरु भन्छन् ।

े एक अर्काको मौलिक मुल्य मान्यता र सन्कृतिको आदर गनुर्, हाम्रो राष्ट्रिय साँस्कृतिक सम्पदा जस्ता मौलिक नेपालीपनको संरक्षणको पहल गर्नै, विश्व भाइचाराको सिद्धान्त बमोजीम समाजीक कार्यलाइ जोड दिनु, र नेपालको विकासमा सहकार्य गर्नु एकएजीसीको प्रमुख ध्यय हो । एनएजीसीले यहि महान अभियान पुरा गर्नको लागी विश्वका विभिन्न सातवटा भूगोलहरुमा आफ्ना महाशाखाहरु मार्फत काम गरिरहेको छ । नेप्लीज एसोसीएसन फर ग्लोबल कोअपरेशन अर्थात नेपाल विश्व सहयोग संघले नेपाली एकता र समृद्धको लक्ष्य प्राप्तिको लागी प्रत्यक्ष रुपमा सदस्यता र साखाहरू बिस्तार गरेर, साझा उद्देश्य प्राप्त गर्न अन्य सस्थाहरूसँग साझेदारि गरेर र विभिन्नस्तरका स्थानिय, राष्ट्रिय र अन्तरराष्ट्रिय महासंघहरूको अवधारणालाई बिकसित गर्दै नेपालीहरू माझ एकता, भाइचारा र सहकार्यलाई बढावा दीईरहेको छ त्यसैले यो संस्थाको विभिन्न मुलुकहरुमा शाखा विस्तारको काम पनि तिब्र गतिमा भइरहेको छ ।

एनएजीसीले निकट भविश्यमै खाडि मुलुक मध्यमै सर्वाधिक नेपालीहरु रहेको कतार र पश्चिमी यूरोपको पोर्चुगल तथा स्पेनमा शाखा गठन गर्दैछ भने दक्षिण कोरिया र जापानमा पनि शाखा गठनको तयारि गरिरहेको छ । एनएजीसीको हाल अमेरिका च्याप्टर, यूरोप च्याप्टर, मध्यपुर्व तथा अफ्रिका च्याप्टर, दक्षिण एशिया च्याप्टर, ग्रेटर एशिया च्याप्टर, अष्टेलिया च्याप्टर र नेपाल च्याप्टर गरि सात च्याप्टरहरु सक्रिय छन् । यीनै महाशाखा अन्तर्गत विभिन्न देशहरुमा शाखा खोल्ने काम भैरहेको छ । यसरी एनएजीसीले विश्वव्यापी संजालमार्फत नेपालीलाइ एकीकृत गर्दे मुलुकको सर्वौपरि हितमा काम गरिरहेको छ । विश्वभरका स्वाभिमानी नेपालीहरु हो, मिलेर केही गरौँ, भन्ने नारा बोकेको यो संस्थाले हालसम्म विभिन्न महत्वपुर्ण सामाजीक, आर्थिक, सांस्कृतीक तथा बैचारिक अभियानहरु सम्पन्न गरेको छ जसको चर्चा यसरि गर्न सकिन्छ ।

एनएजीसीका उपलब्धिहरु :

क) दुबइमा अनाहकमा मृत्यु दण्डको सजाय सुनाइएका दार्चुला निवासी अमरबहादुर बमको जीवन रक्षाको लागि अन्तराष्ट्रिय रुपमा लबी गरिरहेको । अमर बचाउ ग्लोबल टास्क फोर्सको सचीवालय काठमाण्डौमा खोलेर दैनिक सूचना प्रवाह, बिचार गोष्ठीहरू, र्यालीहरू, हस्ताक्षर अभियान, पत्रकार सम्मेलन, जनचेतना कार्य्क्रम तथा सरकारलाई दवाव दिने कार्यहरू गरिरहेको ।

ख) नेपाली आप्रवाशी श्रमिकहरूको वास्तविक अवस्था पहिचान गरी स्थायी समाधान तर्फ ठोस पाइला चाल्न मलेसीया तथा यु ए ई का कामदारहरूको क्याम्पहरुमा स्थलगत निरिक्षण गरि नेपाल सरकारलाइ प्रतिवेदन वुझाएको ।

ग) नेपाली सामुदायीक केन्द्रहरूको स्थापनार्थ प्राविधिक र आर्थिक सहयोग गरेको । सनफ्रान्सिस्कोमा निर्मार्णाधिन नेपाली सामुदायीक केन्द्रको स्थापनाको लागी फन्ड रेजीगं कार्यक्रम संचालन गरि महत्वपुर्ण आर्थिक सहयोग प्रदान गरेको ।

घ) स्थानिय तथा राष्ट्रियस्तरका ख्यातीप्राप्त नेपभल तथा अमेरिकी कलाकारहरूलाई प्रोत्साहन गर्दै सामुदायीक भाईचाराको जगेर्ना गर्नाका साथै कला संकृतीको संरक्षण र सम्बर्धन गर्न अमेरिकाको क्यालिर्र्फोिनयामा रमझम हिमाली साँझ नामक सांस्कृतीक उत्सवको थालनी र निरन्तरता ।

ड) मध्यपूर्वमा समस्याम परेका झन्डै १००० जना नेपालीको उद्धारमा उत्कृष्ठ कार्य गरेको । यस बापत नेपाल विश्व सहयोग संघका मध्यपूर्व तथा अफ्रीका च्याप्टरका सस्थापक अध्यक्ष राजेन्द्र प्रसाद देवकोटा त्यहाँको राजदूतावास लगायत प्राय सम्पुर्ण स्थानिय नेपाली सस्थाहरुबाट सम्मानित समेत भएका थिए ।

च) नेपाली तथा अमेरीकी अपाङ्ग बिद्यार्थीहरूलाई लघु छाात्रबृती प्रदान गर्नाका साथै गरीव तथा जेहन्दार विध्यार्थीहरूलाई शैक्षिक भ्रमण तथा अत्यावस्यक शिक्षण सामाग्रीहरू प्रदान गरेर सहयोग पुर्याएको छ ।

छ) नेपाली संस्कृतीको जगेर्ना गर्न अमेरिकामै पहिलो नेपाली नेपाली फिचर फिल्म ‘कसम सगरमाथाको’ निर्माण गरि प्रदर्शन गरेको ।

ज) पस्चिम अमेरिकामा पहिलो पटक नेपाल महोत्सव सम्पन्न गरेको ।

झ) आपत बिपतमा परेका सम्पुर्ण नेपालीहरुलाई आकस्मिक सेवा पुर्याउने उद्देश्यले अंबासडर इमर्जेन्सी फण्डको स्थापना भएको छ जुन हाल क्यालिर्फोिनया र अमेरिका च्याप्टरमा लागु भएको छ । यस फण्डबाट मानव अधिकारवादी स्वर्गीय सुबास दर्नालको परीवारले आकस्मिक राहत पाइसकेका छन् ।

ण) नयाँपुस्तालाई नेपाली भाषा, संस्कृती हस्तानान्तरण गर्दै अन्य भाषी मित्रहरूलाई समेत नेपाली बोल्न प्रेरणा दिने उद्देश्यले नेपाली भाषा तथा संस्त्रृmतीको पाठ्यक्रम अमेरिकी राज्यहरू लगायत सँसारका बिभिन्न देशहरुमा निशुल्क बितरण भैरहेको छ सथै क्यालीफोर्नियाको पहिलो नेपाली भाषा पाठशालाइ पाठ्यक्रम तथा प्राविधिक सहयोग गरेको ।

त) कला, साहित्य, संगीत, समाजसेवा तथा पत्रकारिता जस्ता मानव जिवनका विविध आयामहरुमा महत्वपुर्ण योगदान दिने व्यक्ति तथा संस्थाहरुलाइ हरेक बर्ष एनएजीसी अवार्ड प्रदान गर्दै आएको जसमा विश्वविख्यात नोबेल पुरस्कार विजेता प्रोफेसर चाल्र्स टाउन्सलाइ समेत विभुषित गरिएको ।

थ) सन् २०१५ मा भारतले नेपालको संविधानको विरोधस्वरुप लगाएको अमानविय नाकाबन्दिको विरोधमा विश्वव्यपी प्रदर्शन गरेको ।

यसरि एनएजीसीले नेपाली एकात, राष्टिय संमृद्धि र समाजसेवाको भावनालाइ उच्च महत्व दिदै आफ्ना विश्वव्यापी कार्यक्रमहरु अधिबढाइ रहेको छ । मातृभुमी नेपाल र विश्वका सबै क्षेत्रमा राष्ट्रिय एकता, प्रजातन्त्र र मानव अधिकार लगायतका विषयहरुमा वकालत गर्ने यो संस्थाको नविन कार्यक्रम हो । ‘हामी विश्वभर छरिएर रहेका नेपार्ली दाजु भाई दिदी बहिनी लगायत नेपाललाई मायाँ गर्ने मित्रहरु समेतलाई एनएजीसीको विशाल परिवारमा सामेल समाजसेवा र राष्ट्रहितका लागी साझा सवालहरुमा मिलेर अधि बढ्न आव्हान गर्दछौं’ एनएजीसका विश्व अध्यक्ष मणि नेपाली भन्दछन् ।

September 26, 2021September 28, 2021

एन ए जि जि अध्यक्ष पनेरुसँग सिङ्गापुरमा अन्तरकृया

नेपाल विश्व सहयोग संघ एन ए जि का सस्थापक अध्यक्ष तथा ग्लोबल टास्क फोर्सका सभापति मणी नेपाली पनेरु, एन ए जि सि ग्रेटर एसिया च्याप्टर का अधक्ष प्रभाखर पराजुलीको निमन्त्रणामा सिङ्गापुर भ्रमण रहनु भएको हाम्रो सिङापुर सम्वाददातले बताएका छन। पनेरुलाई च्याप्टर अध्यक्ष प्रभाखर पराजुलीले सिङ्गापुरको चाङी अन्तरराष्ट्रिय बिमान स्थलमा स्वागत गर्नु भयो। सो अवसरमा अध्यक्ष द्वय पनेरु तथा पराजुलीले सस्थाको प्रगती, भुकम्प ग्रस्त नेपालको पुनर्निर्माणको लागि भएका प्रयासहरु, तथा ग्रेटर एसिया क्षेत्रमा विध्यमान समस्याहरु बारे बिस्त्रित छलफल गर्नु भएको छ।

सोही अवसरमा हिजो साँझ फरवरि २८, २०१६ मा सम्ब्रिद्दीको को लागि एकता, एन ए जि सि को प्रतिवद्दता बिषयक छलफल तथा अन्तरकृया सम्पन्न भएको छ। सो कार्यक्रमा एन ए जि सि ग्रेटर एसिया च्याप्टर अध्यक्ष प्रभाखर पराजुलीले उपस्थित कम्युनिटी लिडरहरु तथा सहभागिहरुलाइ स्वागत गर्दै मणी नेपाली पनेरुको परिचय दिनु भएको थियो। अध्यक्ष पनेरुले एन ए जि को स्थापना, उद्देश्य, उपादेयता र सङ्क्षिप्त ईतिहास झल्काउने पावर प्वाइन्ट प्रस्तूती गर्दै, उपस्थित सम्पूर्ण सहभागिहरुलाइ एकता र सहकार्यको आव्हान गर्नु भएको छ। वर्तमान नेपाली समाजले भोग्न परिरहेको पिडाबाट द्रविभूत हुँदै पनेरुले एकता र सहकार्यले मात्र नेपालको अस्तित्वलाई जोगाउन सकिने र नेपाली समाजको उन्नती गर्न सकिने बताउनु भयो। सो अन्तरकृयामा पस्तूत गरिएका सामाग्रीहरुलाई सहभागिहरुले अत्यन्त अभिरुचीपूर्वक सुन्दै बिबिध बिषयमा जिज्ञासा र प्रश्नहरु राखेका थिए।

सोही अवसरमा पनेरुको सम्मानमा रात्री भोजको समेत आयोजना गरिएको थियो जस्मा एन ए जि सि का पदाधिकारी लगायत एन आर एन सिङ्गापुर नेपाली समाज लगायतका नेत्रित्व गण, बुद्दी जिवी व्यापारी तथा समाजसेविहरुको उपस्थिती थियो। हिमालयन रेस्टुराँ मा सम्पन्न सो रात्रीभोजमा रेस्टुराँ संचालक भिम बहादुर गुरुङले खानाहरुको स्पन्सर गर्नु भएको थियो। कार्यक्रमलाई सफल बनाउन सहभागि र सहयोगिहरुलाई अध्यक्ष प्रभाखर पराजुलीले धन्यवाद ज्ञापन गर्नु भएको छ भने एन ए जि सि सस्थापक अध्यक्ष मणी नेपाली पनेरुले एन ए जि का पदाधिकारी, सदस्य, कम्युनिटी लिडरहरु र पराजुलीकी धर्म पत्नी इशा पराजुली, सुपुत्री रिता पराजुली तथा ज्वाँई हरी चन्द्र अधीकारी प्रती उहाँहरुको न्यानो आतिथ्यको लागि हार्दिक अभार प्रकट गर्नु भएको छ।

September 26, 2021

समाजसेवी उत्तम कार्की यु ए ई मा सम्मानित

पश्चिम अमेरिका नेपाली महासंघ वानाका अध्यक्ष, नेपाल विश्व सहयोग संघका ग्लोबल अड्भाइजर तथा नेपाली जनसंपर्क समिती अमेरिकाका केन्द्रिय सल्लाहकार समाजसेवी उत्तम कार्की यु ए ई मा सम्मानित हुनु भएको छ। उहाँलाई नेपाल विश्व सहयोग यु ए ई च्याप्टर तथा मध्य पूर्व च्याप्टरको संयुक्त आयोजनामा एक उत्कृष्ट प्रतिनिधिमुलक समारोहको बीच प्रमुख अतिथी नेपाली समाज यु ए ई का अध्यक्ष सि पि सापकोटाले समानित गर्नु भएको थियो। आफ्नो निजी नेपाल भ्रमणको सिलसिलामा यु ए ई का मित्रहरुको आग्रहको सम्मान गर्दै उहाँ हिजो फरवरि २२ यु ए ई को दुबइ पुग्नु भएको थियो। सो भ्रमणमा नेपाल विश्व सहयोग संघका सस्थापक अध्यक्ष र ग्लोबल टास्क फोर्सका सभापति मणी नेपाली पनेरु पनि साथमा हुनु हुनुहुन्छ। उहाँहरुलाई नेपाल विश्व सहयोग संघ मध्यपूर्व तथा अफ्रिका च्याप्टरका पूर्व सँयोजक् महा प्रसाद धिताल, यु ए आइ च्याप्टर उपाधक्ष अर्जुन तथा कोषाधक्ष भगवती न्यौपाने ले दुबइ अन्तर राष्ट्रिय विमान स्थलमा स्वागत गर्नु भएको थियो।

नेपाल विश्व सहयोग संघ यु ए ई का अध्यक्ष तथा मध्यपूर्व एवम अफ्रिका सँयोजक गोविन्द ढकालको सभापतित्वमा तथा नेपाली समाज यु ए ई का अध्यक्ष चन्द्र प्रशाद सापकोटाको प्रमुख आतीथ्यमा सम्पन्न सो कार्यक्रममा सम्मानित व्यक्तित्व उत्तम कार्की तथा नेपाल विश्व सहयोग संघका सस्थापक अध्यक्ष मणी नेपाली पनेरु विशिष्ट अतिथीको रुमा आसिन हुनुहुन्थ्यो। नेपाल विश्व सहयोग संघ यु ए ई का शिव पोखरेलले रोचक रुपमा सन्चालन गर्नु भएको सो कार्यक्रममा एन ए जि सि मध्य पूर्व तथा अफ्रिका च्याप्टरका पूर्व सँयोजक् महा प्रसाद धिताल ले स्वागत मन्तव्य राख्नु भएको थियो।

समाज सेवी कार्किलाई चन्द्र प्रशाद सापकोटाले दोसल्ला ओडाउनु भयो भने सभापती गोविन्द ढकालले राष्ट्रिय गौरव सेवा सम्मान २०१६ले बिभुषित गर्नु भयो। बिभिन्न संघ सस्थाको माध्यमबाट र व्यक्तिगत रुपमा समेत उल्लेख्य सेवा प्रदान गरेवापत सो सम्मान गरिएको हो। सो सम्मान प्राप्त गरे पछी भावभिभोर हुँदै कार्किले आफूले कल्पना समेत् नगरेको यो स्वागत र सम्मानलाई जीवनभर नभुल्ने भन्दै हार्दिक आभार प्रकट गर्नु भयो। सो अवसरमा बिशिष्ट अतिथी को आसनबाट बोल्दै नेपाल विश्व सहयोग संघ का संस्थापक अध्यक्ष मणी नेपाली पनेरुले नेपाल विश्व सहयोगको उद्देश्य कार्यक्रम र उपादेयता वेर प्रकाश पार्दै सम्पूर्ण संघ सस्थाहरुलाई एकता र सहकार्यको लागि आव्हान गर्नु भयो। सो रात्रीभोज तथा सम्मान कार्यक्रममा नेपाल विश्व सहयोग संघ यु ए ई का अध्यक्ष गोबिन्द ढकाल, पूर्व अध्यक्ष दिपक राज पौडेल, पूर्व मध्य पूर्व सँयोजक महा प्रशाद धिताल, कोषाधक्ष भगवती न्यौपाने, उपाधक्ष पौडेल उत्साहजनक सहभागीता रहेको थियो। सो कार्यक्रममा नेपाली जनसंपर्क समिती यु ए ई का सभापति तथा नेपाली काङ्रेसका महासमिती प्रतिनिधि चित्र बहादुर के सि, सुदुर पश्चिम सेवा समाज यु ए इ का अदक्ष्य शिव राज जैसी नेपाल पत्रकार महासंघ यु ए ई च्याप्टर, नेपाली समाज का महासचिव मणी भुर्तेल, गोर्खा समाजका कोषाधक्ष नारायण पन्त, व्यवशायी नारायण लम्साल एन आर एन एन सि सि यु ए ई का कोषाधक्ष सुर्य बस्नेत, समाज सेवी रामचन्द्र ढकाल, समाजसेवी उत्तम आधिकारि लगायत उल्लेख्य उपस्थितिमा सम्पन्न सो कार्यक्रम अत्यन्त सौहाद्रपूर्ण रहेको पर्वेक्षकहरुले बताए।

September 26, 2021September 26, 2021

नेपाल प्रहरीका राष्ट्र सेवकहरु अमेरिकामा सम्मानित

अमेरिका क्यालिफोर्निया राज्यको सुन्दर नगरि सान फ्रान्सिस्कोमा एक नितान्त फरक खालको कार्यक्रम सम्पन्न भएको छ। पश्चिम अमेरिका नेपाली महासंघ(WANA) नेपाल विश्व सहयोग संघ (NAGC) तथा ग्लोबल इन्टर कल्चरल एक्स्चेन्ज, नेपालको संयुक्त आयोजनामा राष्ट्र सेवक द्वय ए आई जि पि केदार प्रकाश साउद तथा ए आ ई जि पि सुरेन्द्र बहादुर शाह जनसेवा सम्मानपत्र द्वारा सम्मानित हुनुभएको छ।नेपाल प्रहरीमा रही लामो समयसम्म देश र जनताको सेवा गरी नेपाली समाजलाई गुन लाउनु भएबापत उहाँहरु सम्मानित हुनु भएको हो। एकै पटक नेपाल प्रहरीमा प्रवेश गर्नु भएका साउद तथा शाह झन्डै तीन दशकदेखी अनवरत रुपमा सेवारत हुनु हुन्छ। सधैं राजनैतीक नेताहरुको लागि कार्यक्रम राख्ने गरिएकोमा यस पटक राष्ट्र सेवकहरुको सम्मान खातिर यो बिशेष समारोह आयोजना गरिएको आयोजकहरुले बताएका छन।

सो समारोहको सभापतित्व आयोजक संस्था पश्चिम अमेरिका नेपाली महा संघका अध्यक्ष तथा लोकप्रिय र सम्मानित समाज सेवी उत्तम कार्कीले गर्नु भएको थियो भने कार्यक्रमको संचालन एन आर एन एन सि सि यु एस् ए का मिडिया को अर्डिनेटर तथा अनेसास क्यालिफोर्निया च्याप्टरका अध्यक्ष सर्वग्य वाग्लेले रोचक ढङ्गले गर्नु भएको थियो। सो अवसरमा नेपाली जनसंपर्क समिती नर्दर्न क्यालिफोर्निया च्याप्टर कि उप सभापति लक्ष्मी कार्की, लायन्स क्लब अफ बर्क्ली अन्नपूर्णकी पूर्व अध्यक्ष हेमा पनेरु तथा ग्लोबल इन्टर कल्चरल एक्स्चेन्ज नेपालकी प्रतिनिधि तथा समाज सेवी कल्पना दाहालले सम्मानित व्यक्तित्वहरुलाई खादा लाएर सम्मान गर्नु भयो। तत्पस्चात आयोजक संस्थाहरु वानाका अध्यक्ष उत्तम कार्की, एन ए जि सि का अध्यक्ष मणी नेपाली पनेरु तथा ग्लोबल इन्टर कल्चरल एक्स्चेन्ज, नेपालका अध्यक्ष दुर्गा दाहालले संयुक्त रुपमा सम्मान पत्र प्रदान गर्नु भयो। सो अवसरमा ए आ ई जि पि केदार प्रकाश साउदकी धर्म पत्नी बन्दना रायमाझी साउदको पनि उपस्थिती थियो।

ए आ ई जि पि केदार प्रकाश साउदको जन सेवा सम्मान पत्रमा भनिएको छ, यहाँले बिगत तीन दशक देखी नेपाल प्रहरिमा रही देश र जनताको अबिछिन्न सेवा गरी सम्पूर्ण नेपाली हरुलाई गुन लाउनु भएको छ।बिशेष गरी लागु औषधको ओसार पसार तथा प्रयोगले आक्रान्त समाजलाई सो बिकृतिबाट जोगाउन जुन इमान्दारी र निष्ठाको साथ काम गर्नु भएको छ, नेपाली समाज यहाँ सङ्ग सदा ऋणी रहने छ। त्यसै गरी अर्का सम्मानित व्यक्तितित्व ए आ ई जि पि सुरेन्द्र बहादुर शाह लाई बिगत लामो समयदेखी नेपाल प्रहरिमा रही देश र जनताको अबिछिन्न सेवा गरी सम्पूर्ण नेपाली हरुलाई गुन लाउनु भएको , बिशेष गरी अपराध अनुसन्धान र प्रहरी तालिमको क्षेत्रमा पुर्याउनु भएको योगदान महत्वपूर्ण तथा प्रसँसनीय छ भन्दै सम्मान गरिएको उहाँको जन सेवा सम्मानपत्रमा उल्लेख छ।

सम्मानित व्यक्तित्वहरुले आफूले पाएको न्यानो आतिथ्य र सम्मान पाएको मा भाव बिहोर हुँदै हार्दिक आभार व्यक्त गर्नु भएको छ। उहाँहरुले आ आफ्ना अनुभवहरु बडो रोचक ढङ्गले सुनाउँदै नेपाल प्रहरी राष्ट्र र जनताको सच्चा सेवक भएको र राष्ट्रको हितलागी प्राण हत्केलामा राखी अगाडि बढीरहेको भाव व्यक्त गर्नु भयो। उहाँहरुले आयोजक संस्थाहरुलाई सो सम्मानको लागि हार्दिक धन्यवाद दिँदै सो बाट आफूहरुलाई अझ देश र जनताको सेवा गर्न हौसला मिलेको कुरा बताउनु भयो। सो अवसरमा ए आ ई जि पि केदार प्रकाश साउदले नेपाल प्रहरिको तर्फबाट आयोजकहरु मार्फत उत्तर क्यालिफोर्नियाका नेपालीहरुलाई एक मायाँ को चिनो प्रदान गर्नु भएको छ। सो मायाँको चिनोलाई नेपाली सामुदायिक भवन किने पछी सो भवनमा स सम्मान राखिने कार्यक्रमका सभापति तथा एन सि सि सँयोजक उत्तम कार्किले बताउनु भयो।

सो कार्यक्रममा आओजक संस्था ग्लोबल कल्चरल एक्स्चेन्ज नेपालका अध्यक्ष तथा समाजसेवी दुर्गा दाहालले स्वागत मन्तव्य दिनु भयो भने अर्को आयोजक संस्था नेपाल विश्व सहयोग संघका संस्थापक तथा अन्तर राष्ट्रिय अध्यक्ष मणी नेपाली पनेरुले धन्यवाद ज्ञापन गर्नु भयो। कार्यक्रममा अन्य वक्ताहरुमा समाज सेवी बिष्णु शाह, नान्सका पूर्व कोषाधक्ष नारायण प्रशाद पोखरेल लगायतले पाहुनाहरुको स्वागत सम्मान गर्न पाउँदा आफू गौरवान्वित भएको कुरा व्यक्त गर्नु भयो। सो कार्यक्रममा नेपाली जन संपर्क समिती नर्दर्न क्यालिफोर्निया च्याप्टरका सभापति पूर्ण शेर्पा, बरीष्ठ उपसभापती नारायण खनाल, उप सभापति लक्ष्मी कार्की, महा सचिव हरी भट्ट, कोषाधक्ष गोमा लिम्बु, तमाङ क्प अपरेशन सोसाइटीका अध्यक्ष कुमार डोङ, नान्सका पूर्व कोषाधक्ष प्रेम लामा, पत्रकार सुशान्त गैँडा, लस यन्जलस बाट एक देव शर्मा तथा कर्ण चन्द लगायत उल्लेख्य तथा प्रतिनिधिमुलक उपस्थिती रहेको थियो। कार्यक्रम पछी ए आई जि पि द्वय केदार प्रकाश साउद र सुरेन्द्र बहादुर शाहको सम्मानमा रात्री भोज सम्पन्न भएको थियो। सो कार्यक्रम स्तरिय, मौलिक र व्यवस्थित भएको भन्दै देशका गैर राजनैतीक व्यक्तित्वहरुको सम्मानको यो शिलसिलालाई निरन्तरता दिन पर्ने सहभागीहरुले बताएका छन।

September 26, 2021

वाना एन ए जि सि ले नेपालको पुनर्निर्माण गर्न संयुक्त पहल गर्ने

पश्चिम अमेरिका नेपाली महासंघ वाना र नेपाल विस्व सहयोग संघ एन ए जि सि ले गत अप्रिल २५ र मे १२ मा गएको बिनासकारी भुकम्पमा तहस नहस भएको नेपालको पुनर्निर्माणमा सघाउन सहकार्य गर्ने भएको छ। सो को लागि वाना एन ए जि सि द्वारा “रिबिल्ड नेपाल फँड” को नाममा चन्दा सँकलन, व्यवस्थापन र पुनर्निर्माणको लागि एक संयुक्त खाता समेत् खोलिएको छ। ती सस्थाहरुले एक संयुक्त वक्तव्य निकाल्दै भनेको छ,”भुकम्पले आक्रान्त हाम्रो मातृभूमीमा हाम्रा प्रियहरुको आर्तनादले हामी सबैलाई आहत बनाइरहेकै छ। भुकम्पपीडितहरुको चहराइरहेको घाउमा राहतको मलम लगाउने प्रयासमा जो जती लाग्नु भयो तपाईंहरुलाई धन्यवाद छ, साधुवाद छ। यस् दु:खदघडीमा नेपालका मित्रहरुले जुन स हृदयता देखाइरहनु भएको छ सो सदा स्तुत्य छ।“

संयुक्त प्रयासको प्रथम चरणमा यही जुन २८ आइतवार बेनिफिट फर नेपाल नामक कार्यक्रम हुन गैरहेको पश्चिम अमेरिका नेपाली महासंघ वानाका नवनिर्वाचित अध्यक्ष उत्तम कार्किले जानकारी दिनु भएको छ। सो कार्यक्रमलाई निशुल्क हल उपलब्ध गराउँदै बाजिलियन समुदाय सास्कृतिक सस्था बाजआर्टबाट सास्कृतिक कार्यक्रम गरी चन्दा उठाउन सहयोग गरिने कुरा सो कार्यक्रमका सहसँयोजक निक हार्बेले बताएका छन।

सो कार्यक्रममा बिनासकारी भुकम्प सम्बन्धी ब्रित्त चित्रदेखाउनका साथै पुनर्निर्माण परीयोजना बारे बिशेष प्रस्तूती हुनेछ। सो अवसरमा बाजिलियन तथा नेपाली सास्कृतिक कार्यक्रम देखाइने छ। सास्कृतिक सँयोजन, भोजन तथा कार्यक्रम व्यवस्थापनमा समाजसेवि बिन्दु सापकोटा, पूर्ण शेर्पा तथा लक्ष्मी खरेल थापा लगायतको मह्त्वपूर्ण सहयोग रहेको कुरा पर्यवेक्षकहरुले जनाएका छन सो कार्यक्रमको प्रवेश शुल्क स्वादिष्ट नेपाली भोजन समेत गरी २० डलर राखिएको छ। १९०१ सान् पाब्लो याभन्यु, बर्क्ली, क्यालिफोर्निया ९४७०३ मा सम्पन्न हुने सो कार्यक्रम बेलुका ५:१५- देखी १०:०० सम्म हुनेछ। भुकुम्प पीडित नेपालका प्रियहरुलाई सहयोग गर्न सो कार्यक्रमलाई हर तरहबाट सहयोग पुर्याउन अनुरोध गरिएको छ।

September 26, 2021

नेपाल विश्व सहयोग संघ NAGC भुकम्प पीडित नेपालको पुनर्निर्माण तर्फ उन्मुख

नेपाल विश्व सहयोग संघ NAGC ले बिनासकारी महाभुकम्पका पीडितहरुलाई राहत कार्य जारी गर्दै पीडित बस्ती र विध्यालयको पुनर्निर्माणमा जुटेको छ। राहत कार्य र पुनर्निर्माण समानान्तर रुपमा लानुपर्ने ठहर गर्दै प्रभावित क्षेत्रको स्थलगत निरीक्षण तथा तथ्याँक सँकलन कार्य गर्नाका साथ विद्यालयहरुको सरसफाइ र काम लाग्ने सामानको पहिचान गरी सो को सरक्षण र व्यवस्थापनतिर पनि जुटेको छ।

NAGC ले गत अप्रिल २५ मा महा भुकम्प आएको लगत्तै एक प्रेस वक्तव्य जारी गर्दै सबै संघ सस्थाहरुलाई चन्दा संकलन् तथा राहतका कार्यहरु प्रभावकारी ढंग मा परिक्षालन गर्न सवन्वयात्मक भूमिकामा रहने घोषणा गर्दै सम्पूर्ण संघ सस्थाहरुलाई सवन्वय गर्न आव्हान गरेको थियो। सबै संघ सस्थाहरु सँग सहकार्य र सवन्वय गर्ने क्रममा एन आर एन, एन ए एन सि ई आर एफ, नेपाली जनसंपर्क समिती, अंमेरिका, ग्लोबल इन्टर कल्चरल, नेपाल लगायतका सस्थहरुसँग सहकार्य गरेको थियो।

एन ए जि सि ले आफ्ना स्वयम सेवकहरुको परिचालन् गर्दै अाफ्ना साधन र श्रोतले भ्याए सम्म भूकम्पको अती प्रभावित क्षेत्र भूकम्पको केन्द्रबिन्दु गोरखा र सोलुखुम्बुलाई प्राथमिकता दिएको थियो। यि जिल्लाहरुका अती प्रभावित क्षेत्रहरुमा एन ए जि ले त्रिपाल, औषधीहरु, कम्मलहरु तथा सोलर पावर जेनेरेटरहरुहरु उपलब्ध गराएको थियो। सोलुखुम्बुको अती प्रभावित गाउँहरुमा राहत उपलब्ध गराएकोमा सो क्षेत्रका सभासद, पूर्व मन्त्री तथा नेपाली काङ्रेसका केन्द्रिय सदस्य माननीय बल बहादुर के सिले एन ए जि सि लाई प्रसँशा गर्दै एक धन्यवाद पत्र पठाउनु भएको छ। सोलिखुम्बु क्षेत्रमा एन ए जि सिको राहत बितरणको सँयोजन् सो सस्थाका आजीवन सदस्य तथा ग्लोबल अड्भाइजर उत्तम कार्कीले गर्नु भएको थियो।

एन ए जि सि ले आफ्नो रेस्क्यु मिसन अन्तर्गत कैलाश पनेरुको नेत्रित्वमा काठमाण्डौको साँखुमा काम गरेको थियो। त्यसैगरी बिचल्लीमा परेकी शांखु निवासि मुनु तामाङ्लाई उुदार गरी काठमाडौं टि यु टिचिङ हस्पिटलमा पुर्यएको थियो। त्यसै गरी भूकम्पमा पारी घाइते भएर सो अस्पातलमा भर्ना भईइरहेका बिरामीहरुको यतार्थ जानकारी लिएको थियो। एन ए जि सि प्रतिनिधिहरुले पचास जना बिरामीहरुलाई ताजा फलफूलको रस बितरण गरेको थियो।

NAGC ले नेपालमा गएको महा भुकम्प पीडितहरुलाई राहत दिन र पुनर्निर्माण गर्न अमेरिकामा कार्यरत सस्थाहरुसँग सहकार्य तिब्र पारेको छ । भुकम्पपीडितहरुलाई राहत दिन र पुनर्निर्माण गर्न अमेरिकामा चन्दा उठाउने कार्य जारी छ। यसै क्रममा गत अाइतवार मी ३१, २०१५ मा ग्लोबल कल्चरल एक्स्चेन्ज नेपाल, मन्डेला फ्यामिलि, स्पिरिचुअल सेन्टर नाफ्का NAGC लगायत सस्थहरु सरिक भई फण्ड् रेज कार्यक्रम सम्पन्न भएको छ। अधिकांश रुपमा अमेरिकी मित्रहरुको उपस्थिती रहेको सो कार्यक्रममा उत्कृष्ट न्रित्याङना द्वय सविना ढकाल र भविषा फुयालको न्रित्यले दर्शकहरुलाई मन्त्र मुग्ध पारेको थियो। त्यसै गरी सम्बन्ध म्युजिक अफ द वर्ल्ड टोली, शकिला अहमद, यन्टोन मिजरक र लाउरा बेरिहिल जस्ता मानिएका कलाकारहरुले पनि निशुल्क प्रदर्शन गरेका थिए। सो अवसरमा बिभिन्न कलात्मक सामाग्रीहरु लीलाम बढाबढ गरी चन्दा सँकलन गरिएको थियो। कार्यक्रम सँयोजक् दुर्गा दाहालको अनुसार कूल ८००० डलर चन्दा सँकलन भएको छ र अझै केही ठाउँहरुमा चन्दा सँकलन गरी पीडित क्षेत्रमा पुर्याइने छ।

एन ए जि सि का सस्थापक/ अन्तरराष्ट्रिय अधक्ष मणी नेपाली पनेरुले अमेरिकामा रहेका सम्पूर्ण विद्यालयहरु र अन्य निकायहरुलाई आफ्ना कामदारहरुलाई एक घण्टाको तलव बराबरको सहयोग गरी पुनर्निर्माणको पुनित कार्यमा सहभागि बन्न आव्हान गरेको छ। एन ए जि सि मुख्य कार्यालयले चन्दा संकलन कार्य जारी राखेको छ। सो सस्थाको औपचारिक वेव साइट www.nepalassociation.net मार्फत पेपाल, वा क्रेडिट कार्ड द्वारा चन्दा दिन सकिने बताइएको छ।

September 26, 2021

अमेरिकाको साक्रेमेन्टोमा भुकम्प पीडितको लागि ८००० डल्रर चन्दा सँकलन: नेपालको लागि एक घण्टा दिन आव्हान

नेपालमा गएको महा भुकम्प पीडितहरुलाई राहत दिन र पुनर्निर्माण गर्न अ मेरिकामा चन्दा उठाउने कार्य जारी छ। यसै क्रममा गत अाइतवार मी ३१, २०१५ मा ग्लोबल कल्चरल एक्स्चेन्ज नेपाल, मन्डेला फ्यामिलि, स्पिरिचुअल सेन्टर, नाफ्का नेपाल विश्व सहयोग संघ NAGC लगायत सस्थहरु सरिक भई फण्ड् रेज कार्यक्रम सम्पन्न भएको छ। अधिकांश रुपमा अमेरिकी मित्रहरुको उपस्थिती रहेको सो कार्यक्रममा उत्कृष्ट न्रित्याङना द्वय सविना ढकाल र भविषा फुयालको न्रित्यले दर्शकहरुलाई मन्त्र मुग्ध पारेको थियो। त्यसै गरी सम्बन्ध म्युजिक अफ द वर्ल्ड टोली, शकिला अहमद, यन्टोन मिजरक र लाउरा बेरिहिल जस्ता मानिएका कलाकारहरुले पनि निशुल्क प्रदर्शन गरेका थिए। सो अवसरमा बिभिन्न कलात्मक सामाग्रीहरु लीलाम बढाबढ गरी चन्दा सँकलन गरिएको थियो।

संयुक्त फँड रेजर कार्यक्रमका सँयोजक् तथा काठमाडौं किचनका संचालक समाजसेवी दुर्गा दाहालले उपस्थित सम्पूर्ण दर्शकहरु दाताहरु र सहयोगिहरुलाई हार्दिक धन्यवाद दिनु भएको थियो। सो कार्यक्रमको अर्को आकर्षण नेपालको भुकम्प सम्बन्धी पावर प्वाइन्ट प्रिजेन्टेसन थियो जसमा नेपालका भुकम्पले भत्केका ऐतिहासिक सम्पदा, स्कूल अस्पताल घाइतेहरुको दर्दनाक द्रीश्य देखाइेको थियो। सो पावरप्वाइन्ट हेरेर दर्शकहरुको आँखा रसाएका थिए भने दाताहरुको मन पग्लेको थियो। सो पावर प्वाइन्ट प्रस्तूती संगै नेपाल विश्व सहयोग संघ एन ए जि सि का सस्थापक अध्यक्ष मणी नेपाली पनेरुले सम्पूर्ण दाताहरु र सहयोगिहरुलाई हार्दिक धन्यवाद दिनु भएको थियो। पनेरुले अमेरिकामा रहेका सम्पूर्ण विद्यालयहरु र अन्य निकायहरुलाई आफ्ना कामदारहरुलाई एक घण्टाको तलव बराबरको सहयोग गरी पुनर्निर्माणको पुनित कार्यमा सहभागि बन्न आव्हान गर्नु भएको छ।

कार्यक्रम सँयोजक् बरीष्ठ समाजसेवी दुर्गा दाहालको अनुसार कूल ८००० डलर चन्दा सँकलन भएको छ र अझै केही ठाउँहरुमा चन्दा सँकलन गरी पीडित क्षेत्रमा पुर्याइने छ। सो कार्यक्रममा मिराज बाँकेट हल जुटाउनुका साथै खानाको स्पोन्सर गरेर मिराज इन्डियन कुजन्ले नेपालीहरुलाई ठुलो गुन लाएको छ। कार्यक्रममा काठमान्डौ किचनका कामदारहरु र दाहाल परिवारको प्रसँशनिय योगदान रहेको थियो। सो अवसरमा उत्तर क्यालिफोर्नियाका बिभिन्न संघ सस्थाका अध्यक्ष लगायत लब्ध प्रतिष्ठित नेपालीहरुको उपस्थिती थियो।

September 26, 2021

नेपाल विश्व सहयोग संघ दक्षिण एसिया च्याप्टरमा पनेरू

बङलोर । नेपाल विश्व सहयोग संघ दक्षिण एसिया च्याप्टरको अध्यक्षमा सुरेश पनेरु चयन भएका छन् । बङलोरमा भएको दोस्रो अधिवेशनले पनेरूको अध्यक्षतामा नयाँ कार्यसमिति चयन गर्दै बङलोर घोषणापत्र जारी गरी सम्पन्न भएको हो ।अधिवेशनले च्यापटरको उपाध्यक्षत्रयमा पूर्ण राज अवस्थी, प्रदीप बिष्ट र प्रेमसिंह बिष्ट, महासचिवमा भोजराज अवस्थी, सचिबमा केशवराज भट्ट र कोषाध्यक्षमा राजेन्द्र प्रशाद भट्ट चयन गरेको हो ।

यसैगरी कार्यसमितिका सदस्यहरूमा माधब अवस्थी (दिल्ली ), जगदिस अवस्थी (दिल्ली), महेश सिंह (बङ्गलोर), कृष्ण साहु (मुम्बई) बिक्रम सिंह भण्डारी (पुने), शिवराज बडू (बङ्गलोर ) र दिपक राज पाण्डे (बङ्गलोर) चयन भएका छन् । अधिवेशनले च्याप्टरको सल्लाहकारहरूमा नारायण सिंह बुढा, मुरली कृष्णा (भारतीय नागरीक ) र जगदिस महासेठ (भारतीय नागरीक ) लार्इ चयन गरेको छ ।

बंलोर घोषणा पत्रमा संगठन विस्तार गर्ने, परिचय पत्रहरुको वितरण तिब्र रुपले गर्ने, नेपाली पर्वहरुमा आफ्नो नेपाली संस्कृति झल्काउने किसिमका कार्येक्रमहरु राख्ने, समस्यामा परेका नेपालीहरुलाई सहयोग गर्ने सम्बन्धित निकायहरुमा पहल गर्ने, अलपत्रमा परेका नेपालीहरुलाई रोजगारीको लागि सहयोग गर्ने , चेलीबेटी बेचबिखन प्रथालाई रोक्न हँदै सम्मको प्रयास गर्ने जस्ता प्रतिवद्दताहरू व्यक्त गरीएका छन्। कार्यक्रमको उद्घाटन एनएजीसी अन्तरराष्ट्रिय अध्यक्ष मणी नेपाली पनेरुले स्काइप मार्फत गर्नुभएको थियो।

https://www.onlinekhabar.com/2014/01/151121

२०७० पुष १८ गते १२:४५ मा प्रकाशित

September 26, 2021

वाना एनएजिसि सामुदायिक केन्द्रको भवन निर्माण कार्यको शुभारम्भ

र्व घोषित वाना एनएजिसि सामुदायिक केन्द्रको भवन निर्माण कार्यको शुभारम्भ भएको छ। गत मे १२ मा सोलुखुम्बु केन्द्र बिन्दु पारेर गएको विध्वंशकारी भूकम्पले आक्रान्त सोलुखुम्बुको तिङ्लामा वाना एनएजि सामुदायिक केन्द्र निर्माण गर्ने निर्णय गरिएको थियो।

पश्चिम अमेरिका नेपाली महासंघ वाना तथा नेपाल विश्व सहयोग संघ एनएजिसिले संयुक्त प्रयासमा पुननिर्माण स्टार्ट अप कोषमा अरु थप रकमहरु जोड्दै सो पुनित कार्य सुरु गर्न लागिएको हो। सो परीयोजनाको लागि वाना अध्यक्ष उत्तम कार्की तथा एनएजिसि अध्यक्ष मणी नेपाली पनेरु गत मार्च २०१६ मा स्थलगत भ्रमण गरेर सोलुखुम्बुको तिङ्लामा भवन निर्माण गर्ने निर्णय भएको थियो।

सो प्रयोजनको लागि बिगतमा जस्तै दूबै संस्थाका अध्यक्षहरु सोलुखुम्बु जाने प्राव्धान भए पनि एनएजिसि अध्यक्ष आकस्मिक कारणले जानसक्नु भएको थिएन। पश्चिम अमेरिका नेपाली महासंघ वानाका अध्यक्ष तथा परियोजनाका सभापति उत्तम कार्कीले सो परियोजनाका लागि जग्गा प्रदान गर्नु भएको छ जस्को मुल्य करिव २० लाख नेपाली रुपैयाँ भएको अनुमान गरिएको छ।

परियोजना सभापति कार्किलाई स्थानिय सोलुखुम्बु, तिङ्लाका नरनारीहरुले भव्य स्वागत गरेका थिए। कार्कीले आफ्नो नाममा भएको अब्बल दर्जाको जग्गा भवन निर्माणको लागि प्रदान गर्नु भएकोमा स्थानीय बासिन्दाहरु लगायत वानाकी संस्थापक अध्यक्ष उमा कार्की थापा तथा साझेदार संस्था नेपाल विश्व सहयोग संघका एनएजिसिका संस्थापक अध्यक्ष मणी नेपाली पनेरुले हार्दिक अभार प्रकट गर्नु भएको छ।

दाता कार्कीले परीयोजना संचालक वाना एनएजि को लागि तिङ्ला सामुदायिक विकास केन्द्रले संचालन गर्ने व्यवस्था मिलाउँदै जिल्ला प्रशासन कार्यालय सोलुखुम्बुमा सो संस्थाको दर्ता गर्नु भएको थियो। संस्था दर्ता प्रकृया पुरा भए पछी सो भवन निर्माणको लागी चाहिने जग्गा सामुदायिक बिकास केन्द्रको नाममा रेजिस्ट्रेसन गर्नु भएको छ। सो जग्गालाई बुल्डोजर लगाइ सम्याउने काम भईसकेको र निर्माण कार्य अब द्रुत गतिमा बढ्ने सो परीयोजना सुपरिवेक्षण टोलीका सदस्य रण बहादुर भण्डारीले बताउनु भएको छ।

“सम्बृद्दिको लागी एकता” भन्ने मूल नाराका साथ सुरु भएको सो संयुक्त अभियानको लागि स्ठानिय समाजसेवीहरुले उत्साहजनक रुपमा चन्दा दिन सुरु गरेका छन । सो पवित्र कार्यको लागि माननीय बल बहादुर के सी एक लाख एक, प्रकाश कार्की एक लाख, बिमल कुमार कार्की साठी हजार, बाबु काजी कार्की पच्चिस हजार, झनक सिंह कार्की पच्चिस हजार तथा ॐ सिंह कर्किले पच्चिस हजार चन्दा प्रदान गरेका छन् । यसै बीच समाजसेवी तथा सियाटलका लागि अवैतनिक वाणिज्य दूत ए सि शेर्पाले ४ हजार पाँच सय डलर प्रदान गर्ने घोषणा पस्चात सो परीयोजना समूहमा ठुलो उत्साह छाएको छ। सहयोग रकम जुट्ने क्रम जारी छ। प्रत्येक दाताहरुको नाम हल अफ फेममा स्थित मार्वलमा स-सम्मान नामहरु कुँदिने र विशेष दाताहरुको तस्वीर र प्रतिमा समेत खडा गरिने परीयोजना सुपरीवेक्षक तथा एन ए जि संस्थापक अध्यक्ष मणी नेपाली पनेरुले बताउनु भएको छ।

पश्चिम अमेरिका नेपाली महासंघ वाना का अध्यक्ष, एनएजिसि निवर्तमान अध्यक्ष नेपाली सामुदायिक केन्द्र एनसिसि का संयोजक उत्तम कार्की उदार दाता र सम्मानित समाजसेविको रुपमा अमेरिकाभर प्रसिद्द हुनुहुन्छ। कार्की अमेरिकी राष्ट्रपती बराक ओबामाको हस्ताक्षर सहित बधाई पत्रकोसाथ प्रेसिडेन्ट भोलान्टियर सर्भिस अवार्ड स्वर्ण पदकद्वारा विभूषित गरेको थियो। कार्कीले अमेरिका नेपाल र बिभिन्न देशमा बिभिन्न सम्मान र अवार्ड प्राप्त गरिसक्नु भएको छ। परीयोजना सुरु गर्ने उद्देश्यले हाल नेपाल भ्रमणमा रहनु अध्यक्ष कार्कीले सो अवसरमा नेपाली कांग्रेसका सभापति शेर बहादुर देउवा, स्वास्थ्य मन्त्री गगन थापा लगायत बिभिन्न मन्त्री तथा सांसदहरुसंग पनि भेटि नेपाली अमेरिकनहरु पिर मर्काहरुको बारेमा आफ्न धारणा राख्दै प्रवासी नेपालीहरुलाई सम्मानपूर्वक हेरिन पर्ने माग राखेका छन्।

September 26, 2021

नेपाल विश्व सहयोग संघको अधिवेशन सम्पन्न

यूएई– नेपाल विश्व सहयोग संघ युएईको प्रथम अधिवेशन सम्पन्न भएको छ ।

यूएईको बरदुवईस्थित एभेरेस्ट होटलमा गत शुक्रबार सम्पन्न अधिवेशनले दिपकराज पौडेलको अधक्ष्यता रहेको पूरानो कार्यसमितिलाई विघटन गर्दै गोविन्द ढकालको अध्यक्षतामा नयाँ कार्यसमिति गठन गरेको छ ।

गोविन्द ढकालको अध्यक्षतामा गठित नयाँ कार्यसमितिका उपाध्यक्षमा अर्जुन शर्मा पौडेल, महासचिवमा शिव पोखरेल, सचिवमा होमनाथ न्यौपाने, सह–सचिमा मनोज भण्डारी, कोषाध्यक्ष वेदबहादुर थापा र सह–कोषाध्यक्ष भगवती न्यौपाने छन् । यस्तै सदस्यमा केदार लम्साल, राम चौरासिया, रघुनाथ ढुंगेल, नारायण शर्मा पौडेल चयन भएका छन् । अधिवेशन केन्द्रीय प्रतिनिधिका रुपमा संघका मध्यपूर्व तथा अफ्रिकी क्षेत्रका संयोजक महाप्रसाद धितालको उपस्थितिमा सम्पन्न भएको थियो ।

कार्यक्रममा नवनिर्वाचित अध्यक्ष ढकालले विश्व सहयोग संघका सस्थापक अध्यक्ष मणि पनेरु नेपालीले पठाएको शुभकामना वक्तव्य बाचन गरेर सुनाएका थिए ।

कार्यक्रममा नेपाली समाज युएईका अध्यक्ष ज्ञानेन्द्र कार्की जनप्रगतिशील मञ्च युएईका अध्यक्ष हेमन्त पौडेल, जनसम्पर्क समिति युएईका अध्यक्ष चित्र केसी, अर्घाखाची सम्पर्क समिति युएईका अध्यक्ष राजु खड्का, गोर्खा सेवा समाज युएईका अध्यक्ष भिम श्रेष्ठ, मगर संघ युएईका गिरमान थापा लगायतले नवनिर्वाचित कार्यसमितिका पदाधिकारी तथा सदस्यहरुलाई बधाई तथा शुभकामना दिएका थिए ।

कार्यक्रममा युएईमा रहेका स्थानीय कलाकार सुदिप गैरे, निश्चल श्री, सन्तोष थापा र आयुस चापागाईंले आ–आफ्नो प्रस्तुति देखाएका थिए ।

नवनिर्वाचित अध्यक्ष ढकालले अधिवेशन सफल पार्न सहयोग गर्ने सबैलाई धन्यवाद दिँदै आफ्नो कार्यकालमा संस्थाको मूल्य र मान्यताअनुरुप जनहितका पक्षमा गर्ने प्रतिबद्धता जनाए ।

http://kathmandutoday.com/2014/06/43871.html